BIBLE HOME  - Adam Through Jacob - Tobit - Passion Narratives  |   Religious Reading Blog

Genesis 1: Adam to Jacob - 1 - 2 - 3 - 4 - 5 - 6 - 7 - 8 - 9 - 10 - 11 - 12 - 13 - 14 - 15 - 16 - 17 - 18 - 19 - 20 - 21 - 22 - 23 - 24

Genesis 1 - Story 20: Scala

 

Scroll down to find: Overview, Study Guide, Segmented Prose Text, and Grammar Comments

The text below comes from Genesis 28:1-5,10-22.

 

Vocavit itaque Isaac
Iacob
et benedixit
praecepitque ei,
dicens:		 Additional grammar commentary to be added... You might also want to look at these Tips on Using Segmented Texts.
"Noli accipere coniugem
de genere Chanaan,
sed vade
et proficiscere
in Mesopotamiam Syriae
ad Bathuel, patrem matris tuae,
et accipe tibi inde uxorem
de filiabus Laban, avunculi tui.
Deus autem omnipotens
benedicat tibi,
et crescere te faciat,
atque multiplicet,
ut sis in turbas populorum,
et det tibi
benedictiones Abraham
et semini tuo
post te,
ut possideas
terram peregrinationis tuae,
quam pollicitus est avo tuo."
Cumque dimisisset eum Isaac,
profectus
venit in Mesopotamiam Syriae,
ad Laban, filium Bathuel Syri,
fratrem Rebeccae, matris suae.
Igitur egressus Iacob
de Bersabee
pergebat Haran,
cumque venisset ad quendam locum
et vellet in eo requiescere
post solis occubitum,
tulit de lapidibus,
qui iacebant,
et subponens capiti suo,
dormivit in eodem loco.
Viditque in somnis
scalam
stantem super terram,
et cacumen illius
tangens caelum;
angelos quoque Dei
ascendentes et descendentes
per eam;
et Dominum
innixum scalae,
dicentem sibi:
"Ego sum Dominus,
Deus Abraham, patris tui,
et Deus Isaac.
Terram,
in qua dormis,
tibi dabo et semini tuo,
eritque germen tuum
quasi pulvis terrae.
Dilataberis
ad occidentem et orientem,
septentrionem et meridiem,
et benedicentur
in te et in semine tuo
cunctae tribus terrae.
Et ero custos tuus
quocumque perrexeris,
et reducam te in terram hanc,
nec dimittam,
nisi conplevero universa,
quae dixi."
Cumque evigilasset Iacob
de somno,
ait:
"Vere Dominus est
in loco isto,
et ego nesciebam."
Pavensque:
"Quam terribilis (inquit)
est locus iste;
non est hic aliud,
nisi domus Dei et porta caeli."
Surgens ergo mane,
tulit lapidem,
quem subposuerat capiti suo,
et erexit in titulum,
fundens oleum desuper;
appellavitque nomen urbis
Bethel,
quae prius Luza vocabatur.
Vovit etiam votum,
dicens:
"Si fuerit Deus mecum
et custodierit me in via,
per quam ambulo,
et dederit mihi
panem ad vescendum
et vestem ad induendum,
reversusque fuero prospere
ad domum patris mei,
erit mihi Dominus
in Deum,
et lapis iste,
quem erexi in titulum,
vocabitur Domus Dei;
cunctorumque,
quae dederis mihi,
decimas offeram tibi."

 

© The segmented texts, annotations and audio files at BestLatin.net are copyrighted by Laura Gibbs, 2006. No copyright is claimed for any images.