BIBLE HOME  - Adam Through Jacob - Tobit - Passion Narratives  |   Religious Reading Blog



Genesis 1: Adam to Jacob - 1 - 2 - 3 - 4 - 5 - 6 - 7 - 8 - 9 - 10 - 11 - 12 - 13 - 14 - 15 - 16 - 17 - 18 - 19 - 20 - 21 - 22 - 23 - 24

Genesis 1 - Story 13: Sodoma et Gomorra

 

Scroll down to find: Overview, Study Guide, Segmented Prose Text, and Grammar Comments

The text below comes from Genesis 19:1, 12-26.

 

Veneruntque duo angeli
Sodomam
vespere,
sedente Loth
in foribus civitatis.
Additional grammar commentary to be added... You might also want to look at these Tips on Using Segmented Texts.
Qui,
cum vidisset,
surrexit
et ivit obviam eis
adoravitque
pronus in terra.
 
Dixerunt autem
ad Loth:
"Habes hic
tuorum quempiam generum
aut filios
aut filias?
 
Omnes,
qui tui sunt,
educ de urbe hac.
 
Delebimus enim locum istum
eo quod increverit clamor eorum
coram Domino,
qui misit nos,
ut perdamus illos."
 
Egressus itaque Loth
locutus est
ad generos suos,
qui accepturi erant filias eius,
et dixit:
 
"Surgite;
egredimini de loco isto,
quia delebit Dominus
civitatem hanc."
 
Et visus est eis
quasi ludens
loqui.
 
Cumque esset mane,
cogebant eum angeli
dicentes:
"Surge
et tolle uxorem tuam
et duas filias,
quas habes,
ne et tu pariter pereas
in scelere civitatis."
 
Dissimulante illo,
adprehenderunt manum eius
et manum uxoris
ac duarum filiarum eius,
eo quod parceret Dominus illi,
et eduxerunt eum
posueruntque extra civitatem.
 
Ibi locutus est ad eum:
"Salva animam tuam;
noli respicere post tergum
nec stes in omni circa regione
sed in monte
salvum te fac
ne et tu simul pereas."
 
Dixitque Loth ad eos:
"Quaeso, Domine mi,
quia invenit servus tuus
gratiam coram te,
et magnificasti misericordiam tuam,
quam fecisti mecum,
ut salvares animam meam,
nec possum
in monte
salvari,
ne forte adprehendat me malum
et moriar.
 
Est civitas haec iuxta,
ad quam possum fugere,
parva,
et salvabor in ea;
numquid non modica est
et vivet anima mea."
 
Dixitque ad eum:
"Ecce:
etiam in hoc
suscepi preces tuas,
ut non subvertam urbem,
pro qua locutus es.
 
Festina
et salvare ibi,
quia non potero facere quicquam
donec ingrediaris illuc."
 
Idcirco vocatum est
nomen urbis illius
Segor.
 
Sol egressus est
super terram
et Loth ingressus est
in Segor.
 
Igitur Dominus pluit
super Sodomam et Gomorram
sulphur et ignem
a Domino
de caelo,
 
et subvertit civitates has
et omnem circa regionem,
universos habitatores urbium,
et cuncta terrae virentia.
 
Respiciensque
uxor eius

post se
versa est
in statuam salis.
 

 


© The segmented texts, annotations and audio files at BestLatin.net are copyrighted by Laura Gibbs, 2006. No copyright is claimed for any images.