BIBLE HOME  - Adam Through Jacob - Tobit - Passion Narratives  |   Religious Reading Blog

Genesis 1 - Story 7: Diluvium

Scroll down to find: Overview, Study Guide, Segmented Prose Text, and Grammar Comments

Et ingressus est Noe et filii eius, uxor eius et uxores filiorum eius cum eo, in arcam propter aquas diluvii.	Additional grammar commentary to be added... You might also want to look at these Tips on Using Segmented Texts.
De animantibus quoque, mundis et inmundis, et de volucribus et ex omni, quod movetur super terram,
duo et duo, ingressa sunt ad Noe in arcam, masculus et femina, sicut praeceperat Deus Noe.
Cumque transissent septem dies, aquae diluvii inundaverunt super terram, factumque est diluvium quadraginta diebus super terram,
et multiplicatae sunt aquae, et elevaverunt arcam in sublime a terra.
Vehementer inundaverunt et omnia repleverunt in superficie terrae;
porro arca ferebatur super aquas.
Et delevit omnem substantiam, quae erat super terram, ab homine usque ad pecus, tam reptile quam volucres caeli, et deleta sunt de terra.
Remansit autem solus Noe et qui cum eo erant in arca.
Cumque transissent quadraginta dies, aperiens Noe fenestram arcae, quam fecerat, dimisit corvum,
qui egrediebatur et revertebatur, donec siccarentur aquae super terram.
Emisit quoque columbam post eum, ut videret si iam cessassent aquae super faciem terrae.
Quae, cum non invenisset ubi requiesceret pes eius, reversa est ad eum in arcam;
aquae enim erant super universam terram.
Extenditque manum et adprehensam intulit in arcam.
Expectatis autem ultra septem diebus aliis, rursum dimisit columbam ex arca,
at illa venit ad eum ad vesperam, portans ramum olivae virentibus foliis in ore suo.
Intellexit ergo Noe quod cessassent aquae super terram.