BIBLE HOME  - Adam Through Jacob - Tobit - Passion Narratives  |   Religious Reading Blog

Genesis 1 - Story 6: Fac arcam

Scroll down to find: Overview, Study Guide, Segmented Prose Text, and Grammar Comments

Videns autem Deus quod multa malitia hominum esset in terra, et cuncta cogitatio cordis intenta esset ad malum omni tempore, paenituit eum quod hominem fecisset in terra.	Additional grammar commentary to be added... You might also want to look at these Tips on Using Segmented Texts.
Et tactus dolore cordis intrinsecus, "Delebo (inquit) hominem, quem creavi, a facie terrae: ab homine usque ad animantia, a reptili usque ad volucres caeli;
paenitet enim me fecisse eos."
Noe vero invenit gratiam coram Domino,
et dixit ad Noe: "Finis universae carnis venit coram me.
Repleta est terra iniquitate a facie eorum, et ego disperdam eos cum terra.
Fac tibi arcam de lignis levigatis; mansiunculas in arca facies, et bitumine linies, intrinsecus et extrinsecus.
Ecce: ego adducam diluvii aquas super terram, ut interficiam omnem carnem, in qua spiritus vitae est, subter caelum;
universa, quae in terra sunt, consumentur.
Ponamque foedus meum tecum, et ingredieris arcam tu et filii tui, uxor tua et uxores filiorum tuorum tecum.
Et ex cunctis animantibus universae carnis bina induces in arcam, ut vivant tecum, masculini sexus et feminini,
de volucribus iuxta genus suum, et de iumentis in genere suo, et ex omni reptili terrae secundum genus suum,
bina de omnibus ingredientur tecum, ut possint vivere.
Tolles igitur tecum ex omnibus escis, quae mandi possunt, et conportabis apud te, et erunt tam tibi quam illis in cibum."
Fecit ergo Noe omnia, quae praeceperat illi Deus.